كوباية شاي أو ميّة اتدلقت على الكيبورد؟ اللي هتعمله في الدقايق الأولى هو اللي بيحدد إذا كان الجهاز هيعدّي بتنضيف بسيط ولا هيحتاج صيانة بوردة. خليك هادي واتبع الخطوات دي بالترتيب.
1. اقفل الجهاز فورًا
اضغط زرار الباور مطوّل لحد ما يطفي. ماتستناش تحفظ شغلك. الكهربا والمية مع بعض هم اللي بيعملوا قصر على البوردة.
2. افصل الكهربا والبطارية
شيل الشاحن وأي حاجة متوصلة. لو البطارية بتتفك من برا شيلها. لو داخلية متحاولش تفتح الجهاز بنفسك.
3. اقلب الجهاز وجففه من برا
افتح الشاشة واقلب الجهاز على شكل خيمة (الكيبورد لتحت) علشان السوايل تنزل لبرا مش لجوه. نشّف اللي باين بفوطة ناشفة من غير ما تضغط على الزراير.
4. متشغلوش حتى لو باين ناشف
المية بتوصل لأماكن تحت الكيبورد وعلى البوردة مش بتبان من برا. التشغيل قبل التنضيف هو أكتر سبب بيحوّل المشكلة من بسيطة لعطل بوردة.
5. ليه الرز والسشوار فكرة وحشة
الرز مابيسحبش الرطوبة من جوه الجهاز، وبيدخّل تراب ونشا. والسشوار السخن ممكن يأذي البلاستيك والشاشة ويدفع السوايل لجوه أكتر.
6. ليه لازم تنضيف داخلي
خصوصًا مع الشاي بالسكر أو العصير أو القهوة: بيسيبوا بقايا لزجة بتعمل أكسدة على البوردة بعد أيام أو أسابيع حتى لو الجهاز اشتغل عادي. التنضيف الداخلي بالسوائل المخصوصة وفحص البوردة بالميكروسكوب بيحمي الجهاز من عطل أكبر بعدين.
فحص مجاني لأي لابتوب + خصم 25% على الصيانة لفترة محدودة. فنيين متخصصين في Dell وHP وLenovo، ومعدات احترافية زي الميكروسكوب ومحطة الـ BGA، وضمان مكتوب على كل صيانة.
احجز الفحص المجاني على واتساب