كتير من العملاء بيجولنا عايزين جهاز جديد علشان القديم “بقى بطيء”، وفي أغلب الحالات ترقية بسيطة بتخلي الجهاز يطير بتكلفة أقل بكتير. هنا هتعرف إزاي تحدد إيه اللي محتاجه بالظبط.
1. اعرف سبب البطء
افتح Task Manager وانت شغال عادي: لو الـ Disk على 100% يبقى الهارد هو المشكلة، ولو الـ Memory فوق 85% يبقى محتاج رامات أكتر.
2. ترقية الهارد لـ SSD
ده أكبر فرق ممكن تحسه. الجهاز اللي كان بيفتح في دقيقتين بيفتح في ثواني، والبرامج بتفتح فورًا. لو جهازك لسه بهارد HDD عادي، الـ SSD هو أول ترقية لازم تعملها. شوف هاردات SSD المتاحة.
3. زيادة الرامات
8GB بتكفي للشغل العادي والأوفيس، و16GB مريحة جدًا للبرامج التقيلة والتابات الكتير، والجرافيك والمونتاج بيحتاجوا 16GB أو أكتر. لازم نعرف نوع الرامة (DDR4 أو DDR5) وأقصى حجم يدعمه الجهاز. شوف الرامات المتاحة.
4. NVMe ولا SATA؟
لو الجهاز فيه مكان M.2 بيدعم NVMe، ده أسرع بكتير من SATA. الأجهزة الأقدم بتدعم SATA بس، وده برضه نقلة كبيرة عن HDD.
5. إمتى الترقية مش هتنفع
- لو المعالج قديم جدًا وضعيف بالنسبة لشغلك.
- لو الرام متلحمة على البوردة ومش بتتزود.
- لو محتاج كارت شاشة أقوى، لأنه في اللابتوب مابيتغيرش.
في الحالات دي بننصحك بجهاز مناسب بدل ما تصرف على ترقية مش هتفرق.
6. انقل بياناتك من غير ما تخسر حاجة
عند تركيب SSD جديد بننقل الويندوز والبرامج والملفات زي ما هي، أو نعمل ويندوز جديد نضيف ونرجّع ملفاتك، حسب اللي تفضله.
فحص مجاني لأي لابتوب + خصم 25% على الصيانة لفترة محدودة. فنيين متخصصين في Dell وHP وLenovo، ومعدات احترافية زي الميكروسكوب ومحطة الـ BGA، وضمان مكتوب على كل صيانة.
احجز الفحص المجاني على واتساب