ضغطت زرار الباور ومفيش أي استجابة؟ قبل ما تفترض إن البوردة راحت، فيه خطوات بسيطة ممكن تحل المشكلة أو على الأقل تحدد مكانها. ده اللي بنعمله إحنا في أول دقايق الفحص.
1. اتأكد من الشاحن الأول
- بص على لمبة الشاحن لو فيه، وجرّب فيشة كهربا تانية.
- اتأكد إن الكابل مش مقطوع عند الطرف أو الجزء اللي بيتني.
- لو عندك شاحن بنفس القدرة جرّبه. الشاحن البايظ سبب شائع جدًا ورخيص الحل.
2. اعمل Hard Reset
شيل الشاحن، ولو البطارية بتتفك شيلها، واضغط زرار الباور 30 ثانية متواصلة. بعدين رجّع الشاحن بس وجرّب تفتح. الخطوة دي بتفضّي الكهربا الساكنة وكتير بتحل المشكلة.
3. النور بيقوم بس الشاشة سودا
وصّل شاشة خارجية HDMI. لو الصورة ظهرت يبقى المشكلة في الشاشة أو الفلاتة. لو مظهرتش، ممكن تكون رامة فكت أو مشكلة في كارت الشاشة. اقرا عن مشاكل الشاشة.
4. الجهاز بيفتح على الشاحن بس
ده معناه غالبًا إن البطارية خلصت عمرها أو دايرة الشحن على البوردة فيها مشكلة. إزاي تعرف حالة البطارية.
5. علامات إن المشكلة في البوردة
- الشاحن بيسخن أو لمبته بتطفي لما توصّله بالجهاز.
- ريحة حريق أو الجهاز اتعرض لمية أو كهربا عالية.
- الجهاز بينوّر ثانية ويطفي على طول.
هنا لازم فني متخصص ومعدات قياس، وصيانة البوردة غالبًا أوفر بكتير من جهاز جديد. صيانة البوردة والباور.
6. متعملش الحاجات دي
- متجربش شاحن بقدرة أو فولت مختلف.
- متفتحش الجهاز بنفسك لو مش عارف، علشان الفلاتات الرفيعة بتتقطع بسهولة.
- متسيبهوش متوصل بالكهربا لو فيه ريحة أو سخونية غريبة.
فحص مجاني لأي لابتوب + خصم 25% على الصيانة لفترة محدودة. فنيين متخصصين في Dell وHP وLenovo، ومعدات احترافية زي الميكروسكوب ومحطة الـ BGA، وضمان مكتوب على كل صيانة.
احجز الفحص المجاني على واتساب