أغلب الأعطال الكبيرة اللي بنشوفها كان ممكن تتجنب بصيانة دورية بسيطة. الجهاز المتنضف والمتراعي بيفضل سريع وهادي ويعيش سنين أكتر. ده جدول بسيط تمشي عليه.
1. كل أسبوع: حاجات تعملها بنفسك
- امسح الشاشة بقماشة مايكروفايبر ناشفة أو مبلولة سنة.
- نضّف الكيبورد بفرشة ناعمة واقلبه بالراحة.
- متاكلش أو تشرب جنب الجهاز قد ما تقدر.
2. كل شهر: سوفت وير
- حدّث الويندوز والتعريفات.
- امسح البرامج اللي مش بتستخدمها وفضّي مساحة على الهارد.
- اعمل نسخة احتياطية لملفاتك المهمة.
3. كل 6 شهور لسنة: تنضيف داخلي
المروحة والمشتت بيتسدوا تراب حتى لو مش شايفه. لو بتستخدم الجهاز على السرير أو في مكان فيه تراب، خليها كل 6 شهور. اقرا أسباب سخونية اللابتوب.
4. كل سنة لسنتين: تغيير المعجون الحراري
خصوصًا في أجهزة الجرافيك والـ Workstation زي Dell Precision وHP ZBook، لأن المعالج وكارت الشاشة بيشتغلوا على حرارة عالية. المعجون الجديد بيرجّع الأداء وبينزّل الحرارة بشكل ملحوظ.
5. علامات إنك اتأخرت في الصيانة
- صوت المروحة عالي طول الوقت.
- الجهاز سخن في الشغل الخفيف.
- الأداء بيقع فجأة أو الجهاز بيفصل.
- البطارية بتخلص أسرع من الأول.
6. الصيانة الدورية في المحل
بتشمل تنضيف المروحة والمشتت والفتحات، وتغيير المعجون، وفحص البطارية والهارد، ونقولك حالة الجهاز بالظبط. خدمة سريعة بتفرق جدًا في عمر جهازك. كل خدمات الصيانة.
فحص مجاني لأي لابتوب + خصم 25% على الصيانة لفترة محدودة. فنيين متخصصين في Dell وHP وLenovo، ومعدات احترافية زي الميكروسكوب ومحطة الـ BGA، وضمان مكتوب على كل صيانة.
احجز الفحص المجاني على واتساب